رسائل الدكتور محمد فهيم للمزارعين.. الموعد المناسب لرى محصول القمح

بيان بالمواعيد اللى ممكن نروي القمح فيها وتكون هبات الرياح مش نشطة لفترة مناسبة بعد الري حتى لا يحدث رقاد ..

وطبعاً المقصود هنا هي الأقماح المتأخرة ( المنزرعة فى شهر ديسمبر ) اللى باقي لها رية أو ريتين …

اما الأقماح المنزرعة فى نوفمبر واللى تجاوز عمرها فوق الـ 135 يوم .. فدي خلاص تتفطم …

المواعيد هي:

1- السبت 1 / 4 : نشاط الهبات مش هيكون قوي على المعظم المحافظات ..

2- الاحد 2 / 4 : نشاط الهبات مش هيكون قوي على القليوبية – المنوفية – الجيزة – وكل محافظات الصعيد ..

3- الاثنين 3 / 4 : هدوء نسبي لهبات الرياح على معظم المحافظات ( عدا كفر الشيخ – دمياط – بور سعيد – الدقهلية – الشرقية ) ..

4- الثلاثاء 4 / 4 : هبات رياح قوية على الوجه البحري كله ومحافظات شمال الصعيد ( المنيا – بني سويف – الفيوم) وهدوء نسبي على اسيوط – سوهاج – قنا – الاقصر – اسوان – الوادي الجديد ..

برجاء المتابعة أول بأول للمنشورات اللاحقة ..

حفظكم الله وحفظ ارزاقكم وحفظ بلادنا من كل سوء او ضرر

دكتور محمد علي فهيم
مركز معلومات تغير المناخ
وزارة الزراعة واستصلاح الأراضي
1 ابريل 2023
23 برمهات 1739
10 رمضان 1444