ركز شوية في الكلام اللى جاي
** وهو ايه اللى بيحصل للنبات او الشجرة اثناء ارتفاع الحرارة الكبير في توقيتات غير اعتيادية ( يعني في نهاية الربيع بالتحديد ) ، والنبات بيتصرف ازاي وبيستجيب ازاى فسيولوجيا ( بالسلب او الايجاب ) …
** وما هو حدود التدخلات المطلوبة لدعم النبات / الشجرة على تجاوز التأثيرات السلبية للحرارة العالية ( في توقيتات غير طبيعية)
** عموماً أرجع لكل التوصيات اللى قلناه قبل كده …عشان تعرف تربط بين اللي هيتقال هنا وهناك ..
أفهم كي تستعد …
** تتعرض الزراعات الصيفية لكثير من المشاكل والتحديات بسبب تعرضها للموجات الحارة أو شديدة الحرارة وتزيد المشاكل لو كانت هذه المحاصيل فى مراحل حرجة من عمر النبات (زي مرحلة ما بعد الانبات او الشتل ومرحلة التزهير ومرحلة الاخصاب وبداية العقد)
** اثناء فترات التقلبات المناخية وزيادة درجات الحرارة تقوم كثير من النباتات بوظائفها الحيوية في الساعات الصباح الباكر .. ويستغل ذلك فى اجراء كل العمليات الزراعية الضروية فى هذا التوقيت من رش وتسميد وري وخلافه …
** ولا يفضل الري اثناء فترة الظهيرة تحت اى سبب ودي شرحناها كتير لان لها علاقة بميكانيكية الامتصاص السلبي وعدم استيعاب النبات او الشجرة للامتصاص وتراكم المياه تحت الجذور مع ارتفاع درجة حرارتها وتأثيراتها على الشعيرات الجذرية ( مع استثناء المناطق اللى بتستخدم الطاقة الشمسية في الري مع اتخاذ إجراءات احترازية إضافية) ..
** كما لا يفضل الرش باي مبيدات حشرية او فطرية لان النبات والشجرة مش هيستوعبها ولا هتفاعل معاها اثناء ارتفاع الحرارة – ده غير انها ممكن تسبب اضرار بسبب تغير خواصها وخاصة لو فيه خلط .. وكمان الخطورة بتزيد فو مرحلة النمو فى فترة حساسة زي التزهير وبداية العقد …
خلينا نشوف اهم المحظورات والممنوعات …
1⬅ -ممنوع تماماً لكل المحاصيل .. التعفير بالكبريت الزراعي على كل الزراعات …أو رش أي مبيدات جهازية .. او رش اى زيوت معدنية أو نحاسيات خلال هذه الفترة تماماً ..
2⬅ – تأجيل زراعة او شتل محاصيل العروة الصيفية والخضر والفاكهة حتى انتهاء الموجة تماماً ..
3⬅ – القمح ..
** التحذير: التوقع عن ضم او دراس القمح يومي الخميس والجمعة في معظم المناطق.
4⬅- البصل
** التحذير: عدم استخدام اى شكل من اشكال الخمائر خلال هذه الفترة بغرض التحجيم مع عدم زيادة كمية مياه الري في الريات الاخيرة.
5 ⬅ – البنجر المتأخر ..
** التحذير: عدم زيادة كمية الري في الاواخر ومحدش يصرف في البوتاسيوم للبنجر اكبر من ١٤٠ يوم زيادة عن اللزوم ..
6⬅- البطاطس_الصيفية
** التحذير: ممنوع استخدام منظمات النمو أو مشتقات الخميرة في التحجيم لانه مع الحرارة العالية هيعمل مشاكل في التخزين وكمان لا يفضل ترك البطاطس بعد التقليع فترة طويلة في مواجهة الشمس خاصة فترة الظهيرة ..
7⬅- الفراولة
** التحذير: ممنوع الرش بالاحماض الامينية تماماً وممنوع زيادة كمية الري عن اللازم لان الرطوبة هترتفع حول النباتات وتزيد وتيرة اعفان الجذور والامراض المحبة للرطوبة …
8⬅- الفلفل والباذنجان والفاصوليا الصيفي المتأخرة
** التحذير: عدم زيادة كمية الأزوت والاقلال من استخدام اى احماض امينية خاصة الهيومات .
9⬅ اليانسون الكسبرة_الشمر_الكراوية
** التحذير: عدم استخدام محفزات النمو بكثافة فى الزراعات المتأخرة لانها ستزيد من وتيرة الامراض الصيفية والاكاروسات.
10⬅- المانجو والعنب
** التحذير: التوقف عن رش أي احماض امينية او سيتوكينينات والاكتفاء برش مركبات البوتاسيوم خاصة البوتاسيوم فوسفيت وسليكات البوتاسيوم
11⬅- الزيتون
** التحذير: التوقف عن التسميد الأزوتي بكل صوره أو الاكتفاء بنترات الكالسيوم فقط أو حامض النيتريك في التربة الكلسية.
** التوصية: ضبط عمليات الري قدر الإمكان على ان يكون الري في أول الليل مع إضافة الفولفيك مع الري والإستعداد بمركبات الكالسيوم /بورون أو البورون / الموليبدنيوم مع اكتمال التزهير…
12⬅- الصوب_الزراعية (والخضر اللى كانت تحت الانفاق) …
** التحذير: التوقف عن استخدام الازوت بكل صورة عدا صورة نترات الكالسيوم والري يكون على شيفتات (كميات قليلة على فترات متقاربة). العمل على عدم زيادة الرطوبة النسبية داخل الصوب قدر الإمكان..
13 ⬅- الانتاج الحيواني والسمكي
** مزارع المواشي: محدش يزود من التغذية علي اعلاف خشنة اليومين دول وتجديد مياه الشرب باستمرار …
** مزارع الأمهات السمكية: عدم التأخير في تغيير المياه مع أهمية تكثيف حمامات المضادات الحيوية.
حفظ الله الجميع – برجاء الالتزام …
الاستاذ الدكتور / محمد علي فهيم
مستشار وزير الزراعة لشئون تغير المناخ
رئيس مركز معلومات تغير المناخ – وزارة الزراعة
20 مايو 2024
12 بشنس 1740
