أخبارمحاصيلمقالات

ظاهرة الرقاد فى القمح.. الأسباب والعلاج

مزارعي الغلة الغاليين …
صباح الخيرات والهنا والسرور والخير الوفير

سبق واتكلمنا على موضوع ظهور ما يشبه الرقاد في القمح صنف سخا 95 في الاعمار الأولى ما بعد 40 -45 يوم ..
وهي ظاهرة التسويح او الانبساط وبيكون القمح غزير التفريع ” جداً” زي البرسيم وغض جداً

وبيزيد الشكل ده اكتر لو تم الزراعة بكمية تقاوي أكثر من 50-60 كجم للفدان أو لو تم إضافة كمية السماد اليوريا في الرية الأولى اكثر من 2 شيكارة .. ومع زيادة الندى صباحاً بيحصل المنظر ده

عموماً …

اطمأن دي ظاهرة طبيعية في صنف “سخا 95 ” لأنه غزير التفريع جداً وبيفضل كده شوية لاسبوعين ويرجع يأخذ الشكل القائم لعيدان القمح قبل الطرد مباشرة …

قلل كمية اليوريا شوية ومتزودتش كميات مياه الري بحيث يكون الري على الحامي ديماً ولو فيه إمكانية نرش عالي الفسفور او نضيف المنقوع زي ما عرفتكم قبل كده …

تحياتي واحترامي لكل الغاليين …

د. محمد علي فهيم
29 ديسمبر 2022



مقالات ذات صلة

زر الذهاب إلى الأعلى