أخبارالزراعة خطوة بخطوةخدماتمجتمع الزراعةمحاصيلمقالات

تصفية عرش البطاطس قبل التقليع (زيادة مجانية فى الانتاجية والجودة والتحجيم)

تصفية عرش البطاطس قبل التقليع (زيادة مجانية فى الانتاجية والجودة والتحجيم)..
وعشان ….
يشتكى كتير “قوي” من مزارعي البطاطس الشتوي ان التحجيم ضعيف “جداً” …
وكمان الناس بتتلخبط هل يسيبو العرش حتى يوم التقليع ولا يصفوه – ايه فيهم افضل وليه؟
هقولكم …
تصفية العرش فى نهاية عمر البطاطس معناها ان النبات “بيسرع” من توجيه السكريات والنشا والمواد المالئة للدرنات بطريقة اسرع بكتير من وجود عرش أخضر حتى نهاية العمر والمنهج ده بيستخدمه كل منتجي البطاطس الكبار قبل التقليع مباشرة واسمه بالانجليزي Haulm destruction before harvesting وده بيؤدي الى تصلب قشرة الدرنة – يعني ما تريش ولا “تتزلع” ولا تسود بعد التقليع .
وبالمناسبة موضوع تصفية العرش فى العروة الصيفية اللى بيكسر منها التقاوي بتقلل كتير الاصابات بالامراض الفيروسية والفطرية والبكتيرية وخاصة الريزكونيا اللى بتعمل اعفان درنات والندوات البدرية والمتأخرة وغيرها …
هذا النمو الغزير غير مرغوب واكرر غير مرغوب بعد 70 يوم من الزراعة لان النبات هيستهلك طاقته فى بناء عرش جديد (تعويضا عن فترات الحرمان بسبب الجو الحار خلال الفترة الماضية) وعلى حساب بناء محصوله من الدرنات …
** التدخل فوراً بتكثيف اضافات البوتاسيوم (الارضي) ويفضل مركب 0-0-50 بمعدل 10-12 ك للفدان مع مياه الري .. ويكرر حتي اخر رية ..
** استخدام نترات البوتاسيوم بمعدل 2.5 كجم رشاً للفدان، ويتم تكرار هذه الرشة مرتين … ويمكن الخلط مع مركب سيتوكينين 20-25 سم للفدان علي 300 لتر ماء للفدان …
أو
** استخدام سترات البوتاسيوم بمعدل 1.5 لتر (كجم) رشاً للفدان، ويتم تكرار هذه الرشة مرتين …ويمكن الخلط مع مركب سيتوكينين 20 – 25 سم للفدان علي 300 لتر ماء للفدان
=================
يعني مهم جدا تصفية العرش ويترك العرش يتصفي حتي التقليع ..
وبتم التصفية للعرش …
البطاطس العروة الشتوية وقبل التقليع بــ 20 – 25 يوم … يوصي برش عنصر البورون ( من 11-14%) لتصفيه العرش…. مخلوط مع ثيوسلفات بوتاسيوم KTS بمعدل لتر للفدان علي 300 لتر ماء ..
أو
** الرش بمركب ميبكوات الكلورايد 25% Mepiquat Chloride معدل 100 مل لكل 400 لتر ماء ..
ما عدا أصناف البطاطس الخاصة بالتصنيع … مثل الليدي روزيتا وغيرها …
لان تصفية العرش فى اصناف التصنيع بيزود السكر فى الدرنات وده غير مرغوب فيه فى اصناف التصنيع …
ملحوظة:
لميبكوات الكلوريد دور ممتاز جداً في تكبير حجم الدرنات عموماً ، حيث تقوم بتصفية العرش في نهاية حياة النبات ونقل محتواه الغذائي إلي الدرنات…
مع ملاحظة ما يلي:
** لا يخلط معه نهائياً أية أسمدة أو مبيدات مع نظافه موتور الرش.
** لا يستخدم ميبكوات كلورايد فى البطاطس المتقزمة أو الضعيفة.
** يتم الرش فى وجود نسبة من الرطوبة الارضية سواء كان الرش أولا ثم الرى أو الرش بعد 3-5 يوم من الرى .
** يفضل رش الميبكوات كلورايد قبل الغروب وذلك للحصول على نتائج جيدة ولا يرش نهائياً أثناء الظهيرة لانه يتكسر بالحرارة العاليه .

د. محمد علي فهيم
23 نوفمبر 2022



مقالات ذات صلة

زر الذهاب إلى الأعلى