أخبارمقالاتمنوعات

الكركديه .. القصة الكاملة والأمراض التى يعالجها ..يرفع القدرة لدى الرجال ومنجم فيتامين سى

الكركديه .. من اكتر نبات لعلاج ضغط الدم المرتفع  وهو فعال وعليه دراسات مختلفة وتم مقارنته بأدوية الضغط

ولكن هل للكركديه إستخدامات أخرى ولا يدوب الضغط وخلاص ؟
الأجانب بيسمو الكركديه اسم جميل اوى روزيل .جميل جمال استعملات الروزيل ايه :
١- خافض للحرارة وملطف عشان كده ربنا خالق احلى كركديه فى السودان واسوان اشرب الكركديه فى الجو الحار عشان جسمك يهدى ولو لا قدر الله فيه حمى اشربه وشربه لطفلك .
٢- مضاد حيوى طبيعى يعنى الولا عنده لوز ولا البنت عندها نزلة شعبية ممكن نشربهم الكركديه مع الدوا مش مشكلة هيساعد كتير جدا .
٣- منجم فيتامين سى ودا بقا لوحده قصة طويلة يعنى هتشرب كركديه عشان تبنى مفاصلك وهتشربه عشان تحمى شرايينك وتقوى اللثة بتاعتك وتعالج الانيميا .
٤- مقوى جنسى جدا طبعا اكيد عشان بينشط الدورة الدموية الطرفية فطبيعى يكون ممتاز للقدرة .
٥- مدر للعصارة الصفراوية وبينشط الكبد لإنتاجها فاكرين الصفرا دى كانت وظيفتها ايه وظيفتها انها تهضملك الدهون يعنى اللى ماشى ع الكيتو ولا واحد غنى واكل اكله دسمة جمبرى بقا وكده اشرب كركديه عشان تعرف تهضم الدسم .
٦- مدر للبول وطارد للصوديم يعنى لو أكلت فسيخ ولا طرشى ولا اى اكله مملحة وعاوز تخرج الملح الزيادة ده الكركديه هوه حلك السحرى .
٧- طارد للبلغم مهم جدا للمدخنين بلاش ينسون ياعم مش ناقصة كتره عليك مش حلو .
وأخيرا ممنوع للحامل نهائيا لأنه مجهض ولكن المرضعات تشربه عادى جدا واى حد فى الدنيا يشربه عادى جدا هو نبات امن جدا .

طريقة استخدام الكركديه 

بقولك ايه الكركديه ده مفيش فيه عفريت يعنى لو غليته مش هيرفع الضغط ولو نقعته هيوطى الضغط مفيش الكلام الفاضى ده شربته منقوع مغلى حطيته فى سندوتش حطيته على الملوخية المادة الفعالة واحدة وكله هيوطى الضغط مش هيعليه اقرا استخدماته صح وانت تفهم كدا نبات باسط للعضلات الملساء مدر للبول ميه فى الميه يعنى هيكون بيخفض ضغط الدم مبيعلهوش اومال ليه الناس بتحبه منقوع ؟
شوف لانه زى القهوة والشاى فيه نسبة مواد قابضة الناس بالبلدى بيقولك لو اتغلى بيمرر وعامة اشربه منقوع ياسيدى طالما طعمه ليك هيكون كده مقبول .
الطريقة :
ملعقة صغيرة منه على كوب ماء ساخن ويشرب ٣ مرات يوميا وممكن نحليه بالعسل عند الرغبة .
الكركديه الجميل طلع ليه فوايد اخرى غير الضغط زى ادرار البول والأملاح والبلغم وكمان بيقوى الهضم وخاصة الأكلات الدسمة وكمان بيبنى المفاصل.
دمتم بصحة
الدكتور أحمد أبو النصر


مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى